Benzi

Hið daglega blaður

Posted by kristjan

Fyrir þá sem ekki hafa tekið eftir þá er hér tengillinn á hið daglega blaður okkar. Þar er hægt að fylgjast með dagbókinni sem uppfærð er í hvert skipti sem við náum tengingu. Þar er líka hægt að fylgjast með staðsetningu núna og þeir semm kunna á google maps og yahoo sambærilegt get slegið inn staðsetningunni og þannig fengið upp mynd af því hvar við erum.

Tjaldstæði í nágrenninu

Posted by Guðný Björk

Tjaldstæði í nágrenninu 2006-07-08

Við vorum á leiðinni til Savanna í Georgíu, klukkan orðin ansi margt og hér skellur á myrkur eins og hendi sé veifað. Við sáum tjaldstæða skilti á hraðbrautinni og ákváðum að skella okkur þangað til þess að lenda ekki í myrkri inni í Savanna því þá hefðum við orðið að gista á Wall Mart bílastæði og það er ekki mjög rómantískt (en reyndar ókeypis). Við ókum lengra og lengra en sáum aldrei neitt tjaldstæði. Hingað til hafa ekki verið gefnar upp fjarlægðir á skiltum enda skipta þær kannski ekki miklu máli hér í þessu gríðarlega landflæmi. Allt undir 100 mílum (1,6 km. mílan) er skreppitúr. Um 25 km síðar komum við loksins á þetta líka fína tjaldstæði en 25 km í hina áttina hefðum við reyndar verið komin til Savanna, en svona er lífið.